Google alətləri sizə işinizi asanlaşdıran və produktivliyinizi artıran bir sıra alətlər təklif edir. Bu alətlər həm şəxsi, həm də korporativ istifadə üçün əla seçimdir.
Google Ads: Google və Youtube-da reklam
Google alətləri arasında mövcud olan Google Ads reklam və marketinq sahəsində inkişaf etmək istəyən şirkətlər üçün əsas seçimdir. Reklamlar sayəsində markalarmüştərilərə daha sürətli və effektiv çatmağa nail olurlar.
“Google Ads” potensial müştərilərinizə çatmağınız üçün mükəmməl bir vasitədir. Bu alət sayəsində hədəf müştəri seqmentiniz üçün ən uyğun reklam kampaniyalarını yaratmaq və idarə etmək mümkündür. İstər lokal bir mağaza, istər qlobal bir marka olun, “Google Ads” sizə öz məhsul və xidmətlərinizi “Google” və “Youtube”da tanıtmaq üçün önəmli vasitədir.
Google Analytics: Veb-saytınızı daha asan analiz edin
Google alətləri arasında veb sahəsi üçün kritik əhəmiyyətə sahib olan bir alət var ki, bu da Google Analyticsdir. Bu xidmət veb-sayt sahiblərinə trafik məlumatları, istifadəçi davranışları və çox daha çox şey haqqında dərin başa düşmək üçün kifayət qədər geniş analitik imkanlar təklif edir.
“Google Analytics”in təklif etdiyi detallı statistika və izləmə alətləri, markanızın internetdəki varlığını nə qədər effektiv idarə etdiyinizi dəqiqləşdirməyə kömək edir. Müştəri xəritələri, oturum zamanı, səhifə başına düşən ziyarət sayı kimi bir çox məlumatla istifadəçilərinizin saytınızdakı təcrübəsini görə bilərsiniz.
Google alətləri içərisində bu qədər qüsursuz bir analitik platformasının olması şirkətlərin veb sahəsi üzərində daha məqsədli və şüurlu qərarlar qəbul etməsinə kömək edir. Əgər siz də veb-saytınızın performansını izləmək və optimallaşdırmaq istəyirsinizsə, Google alətləri içərisində yer alan “Google Analytics” sizin üçün mükəmməl bir seçimdir.
Google Search Console: Veb-saytınızın performansını izləyin
Veb-sayt və SEO mütəxəssisləri üçün böyük əhəmiyyətə sahib olan Google alətlərindən biri də Google Search Consoledur. Bu alət veb-saytınızın Google axtarışında necə performans göstərdiyinə dair dəyərli məlumatlar təqdim edir, bu da veb-saytları optimallaşdırmaq üçün əvəzsiz vasitədir.
“Google Search Console” ilə saytınızın hansı səhifələrinin indeksləndiyini, hansı açar sözlər ilə nə qədər sıra ala bildiyinizi və axtarışlarda necə bir təsirə sahib olduğunu izləyə bilərsiniz. Həm də bu alət saytınızdaki problemləri və xətaları aşkar edir.
Google alətləri daimi olaraq yenilənir və təkmilləşdirilir, lakin “Google Search Console” həmişə bir çox veb mütəxəssisinin prioritet aləti olaraq qalır. SEO kampaniyalarınızı idarə etmək, saytınızın axtarış performansını artırmaq və qorumaq üçün bu alət haqda bilik sahibi olmağınız çox vacibdir.
Google My Business: Biznesiniz lokal axtarışlarda və xəritələrdə görünsün
Biznesinizi internetdə tanıtmağın və lokal müştərilərlə əlaqə qurmağın ən effektiv yollarından biri Google My Business xidmətidir. Google alətləri arasında yer alan bu xidmət biznes sahibləri üçün onların fəaliyyətin və xidmətlərini lokal bazarda tanıtmaq üçün mükəmməl bir platforma təqdim edir.
“Google My Business” vasitəsi ilə, şirkətinizin ünvanını, iş saatlarını, əlaqə məlumatlarını və müştəri şərhlərini də daxil olmaqla əsas məlumatlarını dərc edə bilərsiniz. Bu məlumatlar Google axtarışlarında və xəritədə göstərilir ki, bu da müştərilərin sizə asanlıqla tapmağını təmin edir.
Keçiddən istifadə etməklə “Google My Business” haqqında detallı məlumat əldə edə bilərsiniz.
Google Trends: Bu alətlə axtarış sözlərinin populyarlığını izləyə bilərsiniz
Dünya üzrə milyonlarla insanın məlumat axtardığı ən böyük axtarış motoru olan Google axtarış sorğularının analizini təqdim etmək üçün xüsusi alət yaratmışdır – Google Trends. Bu, istifadəçilərə müxtəlif açar sözlərin və konseptlərin zamanla necə dəyişdiyini göstərməklə birlikdə onların populyarlığını da öyrənə biləcəkləri bir alətdir.
“Google Trends” vasitəsi ilə, məhsul, marka, hadisə və ya hər hansı bir məlumatın zamanla necə axtarıldığını iizləyə bilərsiniz. Bu, öz biznes strategiyanızı və məzmun planınızı hazırlayarkən sizə unikal bir üstünlük verə bilər. Məsələn, yeni trendin yüksəldiyini və ya köhnə trendin isə virallığının necə azaldığını buradan müşahidə edə bilərsiniz. Yəni “Google Trends” ilə dünyada və ya konkret bir regionda hansı mövzuların daha çox maraq gördüyünü öyrənə bilərsiniz. Bu məlumatlar həm lokal, həm də qlobal bazarda qararlar qəbul edərkən kritik əhəmiyyətə malikdir.
Nəticədə, əgər siz də dünya və ya öz bölgənizdəki axtarış trendlərini izləmək və bu trendləri öz xeyrinizə istifadə etmək istəyirsinizsə, bu aləti sizin üçün Google alətləri arasında mükəmməl bir seçimdir.
Google Forms: Öz sorğunuzu yaradın
Müasir biznes mühitində müştəri rəyləri və tədqiqatlar həmişə böyük əhəmiyyət kəsb edir. Bu kontekstdə Google alətlərindən olan “Google Forms” şirkətlərə, sahibkarlara və tədqiqatçılara sorğuları tez və effektiv bir şəkildə hazırlamağa imkan verir.
“Google Forms” vasitəsi ilə, spesifik suallara cavab almaq üçün öz sorğunuzu yarada bilərsiniz. Bu alət hədəf auditoriyanızın maraqlarını, tərəfdaşlığını və təkliflərinizi daha yaxşı başa düşməyə kömək edən dəyərli məlumatları toplaya bilir.
Bir digər böyük üstünlük isə əldə olunan məlumatların vizual şəkildə təqdim edilməsidir. Bu, məlumatların təhlilini asanlaşdırır və onları təqdim etmək üçün təsirlidir.
Alət çox sadə interfeysi ilə seçilir. İstifadəçilər, cavablarını toplamağa başlamaq üçün sadəcə bir neçə addımdan keçməlidirlər.
Google Meet: Onlayn görüşlər üçün əsas rəhbər
Google Meet onlayn görüşlər üçün Google tərəfindən təqdim edilən xidmətdir. Bu xidmət istifadəçilərə müxtəlif yerlərdə yerləşən insanlarla videokonfrans keçirməyə imkan verir. Google Meet istifadəçilərə asanlıqla görüşlər yaratmağa və iştirakçıları dəvət etməyə imkan verir. Görüşlər yalnız video və ya audio ilə istifadəçilər arasında keçirilə bilər. Bundan əlavə, istifadəçilər görüş zamanı sənədləri və ekranları paylaşa bilərlər. Google Meet görüşlər üçün yüksək keyfiyyətli audio və video təqdim edir. O, həmçinin görüşlərin təhlükəsizliyinə üstünlük verir və iclaslarda iştirakçıların məxfiliyinin qorunmasını təmin edir.
Ümumiyyətlə, Google Meet onlayn görüşlər üçün faydalı vasitədir. İstifadəçilər görüşlər yarada, iştirakçıları dəvət edə və sənədləri və ya ekranları paylaşa bilərlər. Təhlükəsizlik və yüksək keyfiyyət kimi xüsusiyyətləri ilə görüşlərin daha səmərəli və təhlükəsiz keçirilməsinə imkan verir.
Google Drive: Elektron sənədlərinizi daha asan saxlamaq və paylaşmaq mümkündür
Elektron sənədlərin, faylların və digər məlumatların saxlanması və paylaşılması iş və təhsil mühitində əhəmiyyətə malikdir. Bu məqsədlər üçün bir çox xidmətlər mövcuddur, lakin Google Drive bu sahədə liderlər arasında yer alır.
“Google Drive”, istifadəçilərinə onlayn şəkildə məlumatlarını təhlükəsiz və etibarlı bir şəkildə saxlamağa imkan verir. Bu xidmət vasitəsilə istifadəçilər özlərinin və ya komandalarının işinə yarayacaq sənədləri, şəkilləri, videoları və digər faylları dərhal yükləyə və digərləri ilə paylaşa bilərlər.
Google Keep: Notlarınızı qeyd edin
İdeyaları yadda saxlamaq və idarə etmək üçün etibarlı bir qeyd alətinə ehtiyacınız var? Google Keep hər şeyi yadda saxlamağa sizə kömək edəcək!
“Google Keep”in sadəlik və funksionallığı birləşdirən interfeysi sayəsində istifadəçilər asanlıqla qeydlər yarada, müxtəlif rənglərlə və nişanlarla qeydlərini fərqləndirə bilərlər. Bu tətbiqin bir digər maraqli xüsusiyyəti isə onun səsli qeydlərə imkan verməsidir. Sadəcə tətbiqi açın və fikrinizi səslə qeyd edin, “Google Keep” sizin üçün onu mətnə çevirəcəkdir.
Google Calendar: Təqviminizi idarə edin
Zamanınızı effektiv idarə etmək və önəmli hadisələri itirməmək üçün təhlükəsiz və etibarlı bir təqvim tətbiqi lazımdırsa, Google Calendar bu tələbatları özündə birləşdirir.
Digər Google alətləri kimi funkional olan bu alət istifadəçilərə asanlıqla yeni tədbirlər əlavə etməyə, onları tənzimləyə və başqa istifadəçilərlə paylaşmağa zəmin yaradır.
Zamanınızı idarə etmək, önəmli tədbirləri planlaşdırmaq, öz işinizə və şəxsi həyatınıza nəzarət etmək üçün “Google Calendar”ın təklif etdiyi funksionalıq və inteqrasiyadan yararlanmağa başlayın. Google alətləri daxilindəki bu mükəmməl xidmət sayəsində hər bir gününüzü maksimum effektivliklə keçirin.
