A/B testi nədir?

A/B test marketinq, web-development və istifadəçi təcrübəsində istifadə olunan bir tədqiqat üsuludur. Bu, här hansı bir elementin – məsələn, veb-səhifə və ya reklamın daha yaxşı performans göstərdiyini müəyyən etmək üçün iki versiyanı müqayisə edir. A/B testinin az işlənən digər başqa bir adı bölünmüş testləmədir.

A/B testində tədqiqatçılar iki və ya daha çox dəyişkəni seçir və onları “A”, “B”, “C” və s. kimi etiketləyirlər. Sonra bu dəyişkənləri ölçmək üçün oxşar auditoriyalar arasında eyni zamanda test edir.

A/B test nümunəsi

Təsəvvür edin ki, yeni məhsula marağın artırılması üçün bir e-poçt marketinq kampaniyası yaradırsınız. Açılış mesajı üçün iki mövzu seçirsiniz: versiya A və versiya B.

3,000 nəfərlik bir e-poçt siyahısından 300 nəfərlik bir nümunə bölməsi yaradaraq 150 nəfərə mövzu sətrinin A versiyası ilə mesajınızı göndərirsiniz.  Sonra digər 150 nəfərə B versiyasını göndərirsiniz.

Test başa çatdığında, məlumatlar 50 nəfərin B versiyası ilə e-poçtu açdığını göstərir. Lakin yalnız 28 nəfər A versiyasını açıb. Siz qərar verirsiniz ki, B versiyası auditoriyanızı daha çox cəlb edir və daha geniş kampaniya üçün onu istifadə etməyə qərar verirsiniz.

Niyə A/B test etməlisiniz?

A/B test marketinq kampaniyaları, veb-saytın təkmilləşdirilməsi və konversiya dərəcəsinin optimallaşdırılmasında (CRO) vacib amildir.

Bu niyə vacibdir?

• Mövcud trafikin dəyərini artırmaq. Konversiya olmadan trafik, çox işlər üçün az məna kəsb edir. Saytınızın ən yaxşı versiyasını hazırlamaq ziyarətçilər üçün alış-veriş etməyə, abunə olmağa və ya əlaqədə qalmağa daha  uyğundur.

• “Bounce rate”i azaltmaq. Yeni ziyarətçiləri saytınızda daha çox vaxt keçirməyə cəlb edin. Onlar daha uzun müddət qaldıqca  markanızı öyrənməyə və sizin onların problemlərinin həllinə kömək edə biləcəyinizi düşünməyə daha açıq olur.

• Satışları artırmaq. Müştərilərinizi cəlb etmək (yəni, alış-veriş etməyə və sadiq qalmağa ən meylli olanlar) üçün marketinq kampaniyalarını təkmilləşdirərək daha yüksək konversiya dərəcələri əldə etmək mümkündür.

• Auditoriyanızı tanımaq.Test nəticələrini istifadə edərək hədəf auditoriyanız üçün nəyin işlədiyini və nəyin işləmədiyini öyrənin. Öyrəndiklərinizi gələcək veb-sayt dizaynı və marketinq kampaniyalarına inteqrasiya edin.

A/B test: “Multivariate” və “Multipage” testlər

“Multivariate” və “Multipage” testləmə daha kompleks təhlil üçün əlavə A/B testləmə texnikalarıdır.

“Multivariate” testləmə bir hipotezi (araşdırdığınız təklif və ya fikir) bir neçə dəyişənlə test edir. Məqsəd? Bir çox mümkün ehtimalın hansının bir ümumi məqsədə görə ən yaxşı performans göstərdiyini müəyyən etməkdir.

Təsəvvür edin ki, bir veb-səhifənin yuxarı hissəsindəki elementlərin konversiyalara təsirini ölçmək istəyirsiniz. İki başlığı və iki başlıq şəklini eyni zamanda test edə bilərsiniz.

Bu halda ümumilikdə, hər biri elementlərin unikal kombinasiyası ilə dörd test səhifəsi yaratmaq mümkün olur. 

“Multivariate” testləmə ən yaxşı şəkildə inkişaf etmiş marketoloqlar, dizaynerlər və developerlər üçün uyğundur.

Digər tərəfdən, “Multipage” testləmə bir neçə səhifədə xüsusi elementlərə dəyişiklikləri test etməyi əhatə edir. Bu, daha böyük miqyasda etmək istədiyiniz kiçik tənzimləmələri test etmək üçün faydalıdır.

Məsələn, müxtəlif səhifələrin konversiyalara təsir edib etmədiyini ölçmək üçün təcrübə edə bilərsiniz.

Kampaniyalarda hansı elementləri A/B test etmək olar?

Başlıqlar 

Başlıq, reklamlarda və veb-səhifənizdə nəzərə çarpan ilk şeydir.  Ona görə də testə məhz buradan başlamaq olar.

Ən yaxşı təcrübələri izləmək üçün başlıqlarınızı:

• Qısa və məntiqli tutmağa çalışın.
• Məqsədə uyğun olsun. Başlığınız ilk əks-əlaqənizdir. Diqqəti tez cəlb etdiyinə əmin olun.
• Yadda qalan olsun. Yadda qalan başlıqlar məzmunu daha cəlbedici edir. Və cəlbedici məzmun marka şüurluğunu artırır.
• Məzmununuzu əks etdirin. Oxucularınızı yanıltmaq onların səhifədən çıxmağa və ya reklam kampaniyanızda uzaq düşəsinə səbəb ola bilər, bir daha geri dönməyə bilərlər.

Başlıqlarınızın bir neçə versiyasını fərqli üslublarla (şriftlər, ölçülər və rənglər), söz seçimi və mesajlaşma ilə A/B test edin.

Bəs başqa nələri test etmək mümkündür? Təsəvvür edin ki, sosial media reklamları üçün A/B test edirsiniz. Bu zaman sizin çağırışlarınızdakı elementləri bir neçə variantda test etmək mümkündür.

Mətn

Sizin reklam mətniniz potensial müştərilərə müxtəlif cür təsir edə bilər. Buna görə də mətnləri müxtəlif versiyada yoxlamaqda fayda var. 

Dizayn

 Hansı dizaynın istifadəçiyə uyğun olacağını əvvəlcədən bilmək olduqca çətindir. Ona görə də, testiniz üçün bir neçə dizayn variantı fikirləşin.

Platformalar

 Sizin müştərilər müxtəlif platformalarda ola bilər. Məsələn, Instagram, Facebook, Linkedin. Uyğun müştəri kütləsinin harada olduğunu tapana qədər testlərə davam edin.

Həminin sosial media reklamları ilə yanaşı, axtarış motoru reklamlarında və ya marketinq e-poçtlarında CTA- ları da A/B test edə bilərsiniz.

Nələrə diqqət edilməlidir?

Əvvəlcədən analiz edin. Məsələn, reklam kampaniyasını veb-sayt üçün etmək istədiyinizi fərz edin. Öncə Semrush, Google Analytics, Google Search Console kimi alətlərdən gələn məlumatları istifadə edərək veb-saytınızın hazırkı performansının şəklini qurun. İlk nəticə hər zaman müqayisə üçün əlinzidə olsun.

Test ediləcəkləri müəyyən edin. ImpactHero və digər alətlərdə məlumatları araşdırdıqda test etmək istədiyiniz bir çox dəyişkən tapacaqsınız. Məsləhətimiz: Hər dəfə birinə fokuslanın. Bu, performansta hər hansı bir dəyişikliyin səbəblərini müəyyən etməyi asanlaşdırır.

Məsələn: Bütün ən yaxşı performans göstərən bloq başlıqları doqquz və ya daha az söz içərir. Başlıqları qısaltmaqla və səhifə baxışlarını ölçməklə təsirini ölçmək üçün köhnə, aşağı performanslı parçalar üzərində A/B testləri keçirməyə qərar verə bilərsiniz.

Dəqiqləşdirin.  Araşdırmanıza əsasən, nəyi öyrənməyə çalışdığınızı dəqiq müəyyən edin.

Başlamağa qərar verərkən əsas metriki seçin. Bu, uğurun necə ölçüləcəyini dəqiq bilməyiniz sizə kömək olacaq. Hər hansı bir metrikdən istifadə etmək üçün test elementlərimizin siyahısına baxa bilərsiniz.

Xarici faktorlar. Sizin nəzarətinizdə olmayan faktorlar A/B test nəticələrinizi təsirləndirə bilər.

Məsələn, əgər bir e-ticarət mağazası işlədirsəniz və e-poçt mövzusu üzrə test etmək istəsəniz, dekabrın performans məlumatını yanvarınki ilə müqayisə etməyin.

İstehlakçılar böyük bayramlara yaxınlaşarkən onlayn ticarətdə daha çox xərcləyə bilər. Ona görə də bu cür sahələr üzrə A/B testini eyni anda etməyə çalışın. 

A/B testdə rəqəmsal marketinq agentliyinin rolu

A/B testinin nə qədər effektiv bir marketinq vasitəsi olsa da, onun tətbiq edilməsi və təhlil edilməsi çox vaxt çətin və mürəkkəb ola bilər. Bu cür testlərin uğurlu olaraq həyata keçirilməsi üçün dəqiq planlaşdırma, məlumatların dəqiq təhlili və təcrübə tələb olunur. Buna görə də, bir çox brendlər bu prosesi özləri başa çıxmaq əvəzinə peşəkar bir rəqəmsal marketinq agentliyinə müraciət edirlər.

OnDigital.az sizin brendiniz üçün  A/B testləmə prosesini asanlaşdırmağa kömək edə bilər. A/B testləmənin çətinlikləri ilə başa çıxmağın əsas üstünlüklərindən biri də onun işinizi optimallaşdırmağa necə kömək edə biləcəyini anlamaqdır. Agentliyimiz partnyorlar üçün müəyyən dəyişikliklərin işlərinə necə təsir edə biləcəyini göstərməklə yanaşı, onlara nəyin işlədiyini və nəyin işləmədiyini də göstərir.

Bizə müraciət edərək cəmi bir neçə testin sonunda şirkətinizə ən uyğun xidməti və ya reklam üsulunu tapa bilərsiniz.