Keywords (Açar söz) — istifadəçinin axtarışa yazdığı ifadənin sizin kontent, SEO və reklam strategiyanızdakı qarşılığıdır. Google-un beynində o, “niyyət siqnalı” kimi işləyir. İnsan nəyisə axtarır, siz də o niyyətə uyğunlaşmaq üçün açar söz seçirsiniz.
Səthi görünsə də, keyword real həyatda istifadəçinin psixologiyasını, tələbatını və davranışını oxumaqdır. Buna görə düzgün seçilmiş açar söz trafik, satış və konversiya yaradır; yanlış seçilmiş açar söz isə sadəcə büdcə yandırır.
Açarsözlər niyə vacibdir?
Axtarış nəticələrində saytın görünməsi üçün düzgün açar sözlərin seçilməsi vacibdir. Onlar Google-a və digər platformalara sizin məzmunun nə barədə olduğunu izah edir. Düzgün seçilmiş açar sözlər sizi tapa biləcək real auditoriyanı cəlb edir, trafiki artırır və satışa gedən yolu qısaldır. Əgər açar sözlər zəifdirsə, məzmun nə qədər keyfiyyətli olsa da, görünməz qalır. Güclü açar söz strategiyası isə rəqabətdə üstünlük yaradır, istifadəçinin niyyətinə uyğun saytı önə çıxarır və SEO performansını sabit şəkildə qaldırır. Rəqəmsal dünyada açar sözlər sizin görünmə üsulunuzdur. Düzgün seçilmiş keywords ilə həm Google sizi daha tez anlayır, həm də potensial müştəriniz sizi tapa bilir
Keywords növləri hansılardır?
1. Short tail Keywords (Qısa açar sözlər)
Short tail Keywords nədir?
1–2 sözlük, çox geniş mənalı, yüksək axtarış həcmi olan sözlər.
Məsələn:
• “kredit”
• “ayaqqabı”
• “telefon”
Short tail Keywords xüsusiyyətləri nələrdir?
• Axtarış həcmi çox yüksəkdir.
• Rəqabət çoxdur, SEO-da yüksəlmək çətindir.
• Niyyət qeyri-müəyyəndir: “kredit” yazan adam nağd kredit istəyir, biznes kredit istəyir, yoxsa sadəcə faizləri öyrənir bilinmir.
Harada istifadə olunur?
• Ads-də brend awareness mərhələsində
• SEO-da əsas kateqoriya səhifələri üçün
Bu sözlər sizi kütləyə göstərir, amma satış baxımından “soyuq” auditoriyadır.
2. Long-tail Keywords (Uzun açar sözlər)
Long-tail Keywords Nədir?
3 və daha çox sözdən ibarət, çox spesifik və dəqiq niyyəti olan açar sözlər.
Məsələn:
• “ən sərfəli nağd kredit 2025”
• “Bakıda dəbli qadın çantası almaq”
• “Google Ads necə qurulur addım-addım”
Xüsusiyyətləri:
• Axtarış həcmi azdır, amma konversiya yüksəkdir.
• Reklamda CPC aşağı olur, çünki rəqabət daha azdır.
• Satış yönümlü kontent üçün önəmlidir.
Harada istifadə olunur?
• SEO-da bloglar, xidmət səhifələri
• Ads-də alış niyyəti olan istifadəçilər
Long-tail açar sözlər bir biznesin real satışını təmin edən ən güclü silahdır.
3. Branded Keywords (Brend açar sözləri)
Branded keywords nədir?
Brend adını və ya brendə yaxın ifadələri ehtiva edən açar sözlər.
Məsələn:
• “AccessBank ok kart”
• “Lacoste Azərbaycan”
• “Simit Sarayı menyu”
Xüsusiyyətləri:
• Ən ucuz CPC burada olur.
• Konversiya çox yüksəkdir, çünki istifadəçi sizi axtarır.
• Ads-də rəqiblər tez-tez sizin brendinizə reklam atır (brand bidding).
Harada istifadə olunur?
• Ads-də mütləq ayrıca kampaniya, çünki ən çox satışı buradan əldə edirsiniz.
• SEO-da brend reputasiyasını möhkəmləndirən səhifələr.
4. Non-branded Keywords (Brend olmayan açar sözlər)
Non-branded Keywords Nədir?
İstifadəçi konkret brendi düşünmədən ehtiyacını axtarır.
Məsələn:
• “ən yaxşı kredit kartı”
• “kişilər üçün dəri ayaqqabı”
• “digital marketing kursu”
Xüsusiyyətləri:
• Rəqabət yüksəkdir.
• SEO və Ads strategiyasının əsas ağırlığı buradadır.
• Bu açar sözlər bazarı qazana biləcəyiniz yerdir.
5. Commercial Intent Keywords (Ticarət niyyəti olan sözlər)
Commercial Intent Keywords nədir?
Alış-verişə bir addım qalmış istifadəçinin yazdığı sözlər.
Məsələn:
• “kredit kartı müqayisəsi”
• “Apple Watch qiymətləri”
• “QA mühəndisliyi kursu qiymət”
Xüsusiyyətləri:
• Konversiya yüksəkdir.
• Reklamda bahalı ola bilər, amma dəyərli auditoriyadır.
• SEO üçün satış yönümlü səhifələrin əsas hədəfidir.
6. Transactional Keywords (Alış niyyəti)
Transactional Keywords nədir?
İstifadəçi artıq satın almağa hazırdır.
Məsələn:
• “nağd kredit götürmək”
• “Lacoste köynək al”
• “kurs qeydiyyatı”
Xüsusiyyətləri:
• CPC yüksək olur, çünki hamı bunun üçün yarışır.
• Konversiya isə ən yüksəkdir.
• Reklam kampaniyasında bu sözlər pulla qızıl almaq kimidir.
7. Informational Keywords (Məlumat axtarışı)
Informational Keywords nədir?
İstifadəçi nəyisə öyrənmək istəyir, hələ alış niyyəti yoxdur.
Məsələn:
• “kredit kartı nədir”
• “Google Ads necə işləyir”
• “qa nədir və nə iş görür”
Xüsusiyyətləri:
• Bloglar üçün idealdır.
• Top-of-funnel auditoriyanı gətirir.
• Reklamda bəzən dəyərsiz olur; SEO üçün isə çox vacibdir.
8. Local Keywords (Yer axtarışı olan sözlər)
Local Keywords nədir?
Yer adını ehtiva edən açar sözlər.
Məsələn:
• “Bakı kredit kartı”
• “Nərimanov restoranları”
• “Gənclik usta xidmətləri”
Xüsusiyyətləri:
• Lokal biznes üçün həyati vacibdir.
• Google Maps SEO-nun mərkəzidir.
• Reklamda daha ucuz olur.
9. LSI Keywords (Məzmunu gücləndirən semantik açar sözlər)
LSI Keywords nədir?
Google-a mövzunun mənasını daha dolğun anlamağa kömək edən semantik sözlər.
Məsələn — əsas söz “kredit kartı” üçün:
• “faiz dərəcəsi”
• “komissiya yoxdur”
• “limit artırılması”
• “taksit”
Bunlar məzmunun semantik ağını genişləndirir və Google özlüyündə sizi daha yüksək sıralayır.
10. Negative Keywords (Reklamdan istisna edilən sözlər)
Negative Keywords nədir?
Reklamınızın görünməsini istəmədiyiniz sözlərdir.
Məsələn:
• “pulsuz kredit”
• “iş axtarıram”
• “pdf yüklə”
Xüsusiyyətləri:
• Büdcəni qoruyur.
• Auditoriyanı təmizləyir.
• Google Ads-in performansını birbaşa yüksəldir.
Google Ads-də ən vacib texniki açar söz növlərindən biridir.
Keyword Match növləri hansılardır?
Yuxarıda qeyd edilən açar söz növlərindən fərqli olaraq bu açar sözlər SEO yox, Ads üçün işləyir:
Exact match:
[nağd kredit] → yalnız bu niyyətə yaxın axtarışlara çıxır.
Phrase match:
“nağd kredit” → daxilində bu ifadə keçən bütün axtarışlara çıxır.
Broad match:
nağd kredit → Google-a ən geniş şans verilir, bəzən absurd nəticələr də olur.
Bu 3 açar növünün idarəsi reklamın performansında mühüm rol oynayır.
1. Broad Match nədir?
Broad Match ən geniş əhatəni təmin edən uyğunluq növüdür və Google Ads-də standart olaraq təklif edilir. Bu növ, Google-a sizin açar sözünüzlə, onun sinonimləri, əlaqəli mövzuları, hətta orfoqrafik səhvləri və qrammatik variantları ilə əlaqəli olan bütün sorğulara reklamınızı göstərmək üçün icazə verir. Açar sözün sorğunun özündə görünməsi mütləq deyil, əsas odur ki, niyyət uyğun olsun.
Məsələn, əgər sizin açar sözünüz sadəcə qırmızı ayaqqabı olaraq təyin edilibsə, reklamınız “qadın ayaqqabı geyimləri satışı” və ya “qızılı rəngli idman ayaqqabısı” kimi daha geniş və dolayısı ilə əlaqəli sorğulara da göstərilə bilər.
Bu növün əsas faydası ondan ibarətdir ki, siz yeni və gözlənilməyən axtarış sorğularını aşkar edirsiniz ki, bu da açar söz siyahınızı genişləndirməyə kömək edir. Lakin unutmayın ki, broad match-də büdcənizin uyğun olmayan kliklərə sərf olunması riski yüksəkdir.
2.Phrase Match nədir?
Phrase Match (qeyd edərkən dırnaq işarəsi: “qırmızı ayaqqabı” istifadə olunur) broad match və exact match arasında bir körpüdür. Bu növ, axtarış sorğusunun sizin təyin etdiyiniz açar sözləri və ya onun yaxın variantını ehtiva etməsini tələb edir. Fraza sorğunun əvvəlində, ortasında və ya sonunda ola bilər.
Məsələn, açar sözünüz “qırmızı ayaqqabı” olarsa, reklamınız “Bakıda qırmızı ayaqqabı almaq” və ya “ucuz qırmızı ayaqqabı satışı” kimi sorğulara göstəriləcək. Lakin , “qırmızı qadın ayaqqabısı” açar sözündə görünməyəcək.
Phrase Match sayəsində siz yaxşı trafik həcmi ilə yanaşı, broad match-a nisbətən daha yüksək nəticə əldə edirsiniz. İstifadəçinin axtarış niyyəti daha aydın olur, çünki onlar sizin əsas məhsulunuzu və ya xidmətinizi konkretləşdirən bir ifadə daxil edirlər.
3. Exact Match nədir?
Exact Match (qeyd edərkən kvadrat mötərizə: [qırmızı ayaqqabı] istifadə olunur) ən məhdud və ən dəqiq hədəfləmə növüdür. Bu növ, reklamınızı yalnız sizin açar sözünüzlə tamamilə eyni olan və ya eyni mənaya gələn çox yaxın variantlar üçün göstərir (məsələn, tək/cəm formaları və ya söz sırasının kiçik dəyişiklikləri).
Məsələn, açar sözünüz [qırmızı ayaqqabı] olarsa, reklamınız “qırmızı ayaqqabı” və ya “ayaqqabılar qırmızı” (yaxın variant) kimi sorğulara göstəriləcək, lakin “qırmızı idman ayaqqabısı” kimi əlavə sözləri olan sorğulara göstərilməyəcək.
Exact Match-in ən böyük üstünlüyü yüksək çevrilmə (conversion) nisbətləri və daha yaxşı ROI (investisiyanın geri dönüşü) təmin etməsidir, çünki siz məhsulunuzu konkret olaraq axtaran istifadəçilərə müraciət edirsiniz. Lakin unutmaq olmaz ki, bu növ ən az trafik həcminə malikdir.
Açar söz strategiyası rəqəmsal görünürlüyün təməlinə təsir edən mühüm mexanizmdir. Qısa və geniş hədəfli sözlər kütləvi auditoriyanı cəlb edir, uzun və niyyət yönümlü açar sözlər isə real satışa ən yaxın istifadəçiləri filtrə edir. Brend açar sözləri mövcud tələbatı qarşılayır, non-branded sözlər bazarda pay qazanmaq üçün önəmli hesab edilir.
Google ads-də broad, phrase və exact match düzgün idarə olunanda büdcə optimallaşır, uyğun olmayan kliklər aradan qalxır və hədəfləmə dəqiqlik qazanır. Bu model bütövlükdə həm SEO-da yüksək sıralanmanı, həm də Ads-də daha əlverişli nəticələri təmin edir. Sonda açar sözlər sadəcə texniki seçim deyil, həmçinin istifadəçi niyyətinin, bazar rəqabətinin və satış potensialının strateji idarə edilməsidir.
Rəqəmsal dünyada doğru strategiya uğurun açarıdır. OnDigital agentliyi olaraq biz, bizneslərin inkişafını təmin edən peşəkar marketinq xidmətləri təqdim edirik
